GEGURITAN

IBU

Dening Lesti Aristisia

Sinembah sinujud marang samparanmu bu..

Dene Tumetesing tirta gawe telesing nala

Esih emut ana ing prentuling tyas ingsun

Rikalane tangis jejerit kuwi gawe tangining saremu

Rikalane luwehe weteng iki, dadi pagaweyanmu

Rikalane ingsun amung bisa ngumbar tangis...

Panjenenganipun ibu...

Siji saka yutaning manungsa, sing lila

Sing bisaa legawa

Ngelela, ngelelo ngedem tangisku

Tirtaning netra ingsun

Nora kabendung mili deres

Nalikaning insun nyeyawang

Badanmu ayumu, wis layu...

Nyawamu lunga mlayu

Toyaning pangurip ingsun

.Wis mentas, ngudi lan nguri marang ingsun

Nyukani asih uga asmara...

Wis tekan mangsane

Ibu...

Panjenenganipun

Sowan ing ngarsanipun Gusti Ingkang Maha Agung

Ibu... amung dedonga sajumput

Kang bisa ingsung cawisake

Sanajan ora sepira

Mugaa panjenenganipun sageda nampa

Dedonga saka atmaja sing durung bisa dadi apa