Penganten

Dening Fina Roikhatul Jannah

Lakumu lembah manah

Tumuju sasana kursi renengga

Sinandhing pacangan kang gagah prakosa

Kaya raden werkudara

Esemu, pait madu

Pratandha bungah atimu

Kebaya cemeng sinulam benang emas

Gumebyar kaya prada binabar

Pating calorot

Pating galebyar

Kaya lintang aliyan

Ganjil cundhuk mentul cacahe

Ngawe-awe marang sinu katresnane

Bebarengan obahe

Nyuwun kaberkahan ancase