GEGURITAN

[ , ] Koma, 

Dening Lesta Aristia 

Sejatine durung pungkas

Sayektine iya ora ana kang bisa digagas

Purwa iya ora

Akhir apa maneh

Wong iki amung koma

Ora eka, ora eko

Ora dwi,

Ora tri, ora catur

Apa maneh panca

Mbok sadasa

Nyata ora

Ya mung koma

Ora ana pratandha pitakon ?

Ora ana pratandha akon!

Iki amung koma

Urip ora

Mati iya ora

Tak ambali maneh

Iki amung koma,

Komaning manungsa

Ing antarane urip lan patine raga

Iya ana ing ateges koma

Rupane sabangsa memala