DIDHAWUHI IBU GURU

DIDHAWUHI IBU GURU

Pinuju ngaso Ibu Guru Yayuk nimbali Martini. Martini didhawuhi njupukake buku kang keri ana ing meja guru.ibu Yayuk ngendhika, “Tini, menea sedhela!” sing ditimbali age-age mara nyedhak, ngadeg jejeg, tangane tumata, ngapurancang, polatane sumeh, banjur matur, “ Punapa Ibu?”Anggaone matur Martini swarane lirih, nanging cetha, lagune luwes kepenak.

Ibu Yayuk mbacutake ngendikane, “Jupukna buku ing meja guru!” sing didhawuhi enggal-enggal njupuk buku, nuli bali matur, “Punika, Bu.” Matur mangkono iku karo ngaturake buku, awake rada mbungkuk. Dene buku kang diaturake kuwi sadurunge wis diwalik. Dadi, semangsa Ibu Yayuk nampani, terus bisa maca tulisane, ora usah diwalik.

Ibu Yayuk nampa buku, mustakane manthuk sathithik, karo ngendika, “Ya, matur nuwun.” Martini matur, “Sami-sami.” Ibu Yayuk nuli minger tindak menyang kantorkepala sekolah. Martini rada mbungkuk maneh nguntabake tindake Ibu Yayuk.

Sapa bae sing nyumurupi, krungu, lan ngalami kedadeyan ing dhuwur kasebut bisa seneng, marem, lan tentrem. Ibu Yayuk lan Martini uga melu seneng, marem, lan tentrem, bisa padha sesrawungan nganggo tata krama, lan uga wis kabukten manawa tata krama kuwi bisa gawe tentreming bebrayan. Bebrayan kang tanpa tata krama mesthiora bisa tentrem.

Ngaturake majalah, koran, buku, lan layang diwalik luwih dhisik. Sing nampa banjur bisa maca, ora ndadak malik. Mangkono uga tuladha liyane. Ngaturake peso, pukul besi, cethok, pacul, lan barang-barang kang mawagaran, ditata luwihdhisik, sing nampa kepenak, terus bisa nyekel garane. Aja malah garane dicekel dhewe. Sing nampa banjur rekasa nyekel pucuk peso, cethok, lan liya-liyane. Kang kasebut karikuwi jeneng ra nganggo tata krama.

Coba saiki mangkene:

1.     Njupukake buku, majalah, koran, lan barang-barang kang ana garane. Wenehna kancamu kuwi enthane Ibu Yayuk utawa Bapak Guru paryana. Tindakna gentenan!

2.     Tirokna patrape Ibu Yayuk lan martini ing dhuwur. Gegentenan sing dadi Ibu Yayuk lan sing dadi Martini.

Katrangan

1.      Ngapurancag: driji mlebu sela-selaning driji, kaya kapurancang

Kapurancang: pager wesi utawa pring pucuke lancip-lancip

2.      Sumeh: sumringah; padhang (ulate)

Nguntabake: ndherekake banjur ali; ngeterake nganti mangkat.