TAMU AGUNG
Nalika samana Bapak Presidhen tindak menyang manca nagara. Didherekake ibu, para nayaka, para panggedhening nagara, lan
para pandherek liyane. Tindake nitih motor mabur.
Montor mabur ndharat ing lapangan terbang, nagara manca kasebut.
Andhaning montor mabur dijeplakake.
Bapak Presidhen lan ibu nagara manca wis nyedhak andha wis cecawis mbagekake Bpak Presidhen lan ibu.
Ora let suwe Bapak Presidhen jumedhul ing andha ndhuwur
didherekake ibu lan pandherek liyane mandhao. Tekan ngisor Bapak Presidhen lan
ibu disalami dening Bapak Presidhen lan ibu nagara manca dalah sing padha
mahargya rawuhe. Bapak Presidhen lan ibu dikalungi kembang. Bapak presidhen
bebarengan Bapak Presidhen manca nginspeksi barisan militer.
Presidhen loro kasebut banjur munggah panggung. Presidhen
manca medhar sabda pangayubagya.
Presidhen medhar nanggapi. Sabanjure ing wektu liya Bapak Presidhen ziarah
menyang taman pahlawan, nyelehake karangan kembang.
Bapak Presidhen sarta rombongan uga diaturi pasugatan dhaharan lan unjukan. Ngunjuke
mawa gelas jinggring sikil dawa (kaya
gelas es puter). Sadurunge ngunjuk, Bapak Presidhen mbenthikake gelase menyang gelase Bapak Presidhen manca. Iku jeneng
toast. Uga dianakake upacara liron
tandha mripat.
Kuwi tata krama kang asipat internasional. Mangkono uga yen
Indonesia karawuhan tamu agung saka manca nagara. Tata kramane iya mangkono
iku.
Saiki ora susah adoh-adoh. Bapak Gubernur, Bapak Walikota,
lan Bapak Bupati ngrawuhi upacara. Tindake nitih mobil. Rawuh dhig, mobil
mandheg greg, banjur padha dicedhaki, dirumati. Ana sing mbukakke lawanging
mbil. Ana sing ngacarani lan nuduhake papaning upacara. Ana sing ndherekake
nganti tekan ing palenggahan.
Sadurunge kuwi sing padha teka lan para tamu bebarengan
ngadeg ngrumat rawuhe. Yen Bapak Gubernur, Baoak Walikota, lan Bapak Bupati wis
mapan lenggah, lagi padha lungguh maneh.
Menawa bapak-bapak kasebut kepareng paring tanggap sabdatama,
ana sing ngacarani ndherekake. Ana sing nggawakake mape, ana sing njampangi dadi pangapit, ngadeg ing
saburine kiwa tengen, nganti sarampunge anggone bapak-bapak kuwi paring
pangandikan. Nuli didherekake lenggah nganti tekan lan mapan ing palenggahan
maneh.
Mangkono uga tumrap Bapak Camat, Bapak Lurah, apa dene Bapak
Ketua RW, lan Ketua RT. Yen rawuh ing papan upacara, uga diurmati. Diurmati
manut kalenggahane kanthi sapraygane, sacukupe.
Wose, kabeh tamu kudu dibagekake, diacarani, lan diurmati
saprayogane manut tata krama kang wis lumrah kanggo kono. Luwih-luwih tamu
wigati, tamu mirunggan, utawa tamu
agung. Pakurmatane dilaras lan ditrepake manut eman papan, kala mangsa, lan
swasanane.
Katrangan
1.
Manca
nagar: luwar negeri
2.
Nayaka:
menteri (Inggris: Minister)
3.
Dijeplakake:
diwengakake; dicongatake; dipasang
4.
Cecawis:
sadhiya; siyaga; cepak; rumanti
5.
Dala:
lan; sarta; dalasan
6.
Nginspeksi:
mriksani; nitipriksa
7.
Medhar
sabda: pidhato; sesorah
Tidak ada komentar:
Posting Komentar